فكرة المشروع

ازيكم يا شباب وبنات
قرآني
يارب يوفقكم فى امتحانتكم
في موضوع حبيت اقترحه عليكم
يكون مشروعنا ان شاء الله فى فترة الاجازه

محتاج جهد وصبر
محتاج حماسه وفى نفس الوقت هدوء
ومحتاج صدق نيه
ومحتاج دعاء بالتوفيق

محتاج سؤال
نقولة لنفسنا
محتاج شعار بيقول
عاوزين نقدم حاجه لإسلامنا

كلنا عارفين ان نعمة الاسلام لا يوفيها شكر ولا حمد
وانا اري بتفكيري الفقير
انه لا شكر على نعمة الاسلام الا بنصرة الاسلام

وجالى فكرة ياريت تسعدونى وتقلولى رايكم فيها

الفكرة عبارة عن
كتاب
هنشترك كلنا فى كتابته
هنخلط حروفنا ومشاعرنا وقلوبنا ببعضها
هيكون عن القران ومن القران
مش هيكون فى التفسير
ولا فى التجويد
ولا فى الترتيل
او الاعجاز
هيكون فى الحب
مفيش حد فينا مش بيحب سورة معينه
او ايه معينه
هيكون فى التأثر
مفيش حد فينا متأثرش لحظة بالقران
يترى اتأثرت بايه
هيكون فى الدموع
يترى بكيت من ايه
هيكون فى الخشوع
هيكون فى الامل
هيكون فى ياترى شايف المستقبل ازاي فى ظل القران
هيكون فى كل عاطفة تحركت
وكل خاطرة تأملتها
وكل رساله ارسلت اليك
هيكون هيكون
كتاب
باقلام شباب وبنات تحابوا وتأخوا فى الله
وعزموا على تقديم هذا العمل لكل شباب
وبنات المسلمين

يا ترى هتشجعونى
ويا ترى هنكتب الكتاب فى قد ايه
100
صفحه
ولا
1000
فى شهور
ولا سنين ؟
عندنا مشاعر قد ايه ؟؟

ياريت تبعتولى وكل واحد يقول رايه
هنعمل فريق عمل ان شاء الله
وهننسق الموضوع
وهنبدأ كتابه

بس المهم رأيكم فى الاول
قلتم ايه